Desapaez de los quioscos el diariu d’izquierda estrema “Público”
Portada del últimu númberu d'esti diariu
La edición impresa de Público, diariu qu’allugaba la so ideoloxía na izquierda estrema, vio güei’l so últimu númberu impresu nos quioscos. Esta mañana recibió del alministrador xudicial la comunicación del cierre de la cabecera. Por más que tuviera nel so momentu tolos apoyos dende l’entornu de Moncloa, durante la presidencia del socialista José Luis Rodríguez Zapatero, esti diariu siempres cuntó con un escasu seguimientu ciudadanu.
Público seguirá funcionando provisionalmente na so edición dixital, asina como La voz de Asturias -tamién de Mediapubli-, masque nel periódicu asturianu la situación ye igualmente grave. La voz de Asturias vien actuando nos tiempos últimos como un mediu d’espresión de la “izquierda plural” de la nuestra comunidá autónoma, al empar que nun dexa de perder llectores. De nun topar inversores qu’asuman la so delda, ya igüen la llinia editorial, esta cabecera histórica d’Asturies podría facer compaña bien aína a Público nel so desaniciu.
